Омикрон варијантата се прошири низ целиот свет и веројатно предизвикува поголем процент од моменталните нови инфекции со коронавирусот. Иако симптомите се благи, со оглед на тоа дека брзо се пренесува, се шири многу побрзо.
Со оглед на тоа дека знаците на заразата се прекопуваат со обична настинка, понекогаш е тешко да се распознае за каков вид на инфекција се работи. Според податоците, инфекцијата со омикрон дури во повеќето случи не доведува до респираторни проблеми. Најчесто се тоа суптилни знаци кои може да се идентификуваат на два дела на телото.
НАЈЧЕСТИ СИМПТОМИ НА ОМИКРОН
Болките во мускулите се чест симптоми на коронавирусот. Дури и во случај на зараза со омикрон, луѓето чувствуваат затегање и болка во мускулите. Како што велат лекарите во Јужна Африка, каде се пријавени првите случаи на омикрон, повеќето луѓе се пожалиле на болки во мускулите познати како мијалгија. Базирано на податоците собрани ширум светот, поголемиот процент на лицата со КОВИД-19 имаат благи респираторни проблеми сериозни болки во мускулите. Течење на носот, болки во телото, болка во градите, болка во грбот и замор се најчестите кои се поврзани со омикрон.
ДВЕ МЕСТА НА КОИ МОЖЕ ДА ПОЧУВСТВУВАТЕ БОЛКИ
Две најчести места на кои лицата заразени со омикрон чувствуваат болки се – нозете и рамената. Во последниве две години познато е дека коронавирусот може да предизвика болка во било кој од телото, но во случај на омикрон, нозете и рамењата се најчесто зафатените подрачја.
ЗА КАКОВ ВИД БОЛКА СТАНУВА ЗБОР?
Болката предизвикана од омикрон може да се манифестира на различни начини, но најчесто ја карактеризира болка што се шири и која може да се појавува и да исчезнува додека не се опоравите од инфекцијата. Некои лица заразени со омикрон исто така се жалат и на чудно чувство како вкочанетост или слабост во нозете. Кога се работи за рамената, пациентите главно чувствуваат болка, напнатост и вкочанетост. Слабост во нозете и рамената исто така може да биде знак за зараза со омикрон.
ЗОШТО БОЛКАТА ВО МУСКУЛИТЕ Е ТОЛКУ ЧЕСТА КАЈ ИНФЕКЦИЈА СО ОМИКРОН?
Стручњаците веруваат дека болката во мускулите е зачестен симптом кај инфекциите кои така брзо се шират и тука коронавирусот не е исклучок. Но, зголемениот број лица кои чувствуваат болки во телото може да биде поради многу фактори. Тоа може да се случи поради медијаторите на воспалението или можеби затоа што омикрон варијантата на вирусот влијае на коските и мускулите многу повеќе од претходните варијанти.
