Никој не остана имун на хаосот што пандемијата со коронавирусот го предизвика во целиот свет од 2020 година. Се наоѓаме во една од најголемите пандемии во историјата на човештвото, а од коронавирусот и неговите варијанти се уште заболуваат милиони луѓе ширум светот.
Досега пет варијанти на коронавирусот се означени како загрижувачки: Алфа, бета, гама, делта и омикрон.
Алфа варијнатата прв пат е откриена во Обединетото Кралство во септември 2020 година, според податоците на Светската здравствена организација. Бета варијантата е изолирана во Јужноафриканската Република во мај истата година, а високозаразната гама варијанта откриена е во Бразил во ноември 2020 година.
Овие три загрижувачки варијанти на коронавирусот имаат неколку заеднички мутации. Меѓутоа, четвртиот сој, делта, или супер-алфа, како што уште го нарекуваат истражувачите, има 60 проценти поголема инфективност од алфа сојот. Откриен е во Индија во октомври 2020 година.
Омикрон, откриен во ноември минатата година, содржи повеќе мутации од останатите варијанти и со тоа е најзаразниот од досега откриените соеви.
За СЗО, потенцијално загрижувачки соеви се уште и Ламбда и Му.
Напис од списанието Nature го цитира еволуцискиот биолог Џеси Блум кој вели дека овој нов патоген нема да исчезне. Тој ќе стане ендемична и ќе продолжи да циркулира меѓу населението.
На темата за агресивните мутации на овој вирус и благата клиничка слика што ја предизвикува омикрон, биологот Ендру Рамбо од Универзитетот во Единбург вели дека очекувањата дека новите варијанти ќе бидат уште поблаги се помалку мит. Реалноста е многу покомплицирана од тоа.
СЗО ги повикува сите да ги следат мерките за заштита од КОВИД-19 за да се намали ширењети на сегашните, но и на идните варијанти на вирусот.
Експертот на СЗО, Марија Ван Керхов, вели: “Омикрон нема да биде последната варијанта за која ќе се зборува и можноста за создавање нови варијанти е многу реална, за што сме загрижени. Нови варијанти ќе продолжат да се појавуваат, а засега не знаеме какви ќе бидат нивните карактеристики“.
“Сигурно е дека ќе бидат позаразни бидејќи мораат да ги ‘истуркаат’ варијантите кои моментално циркулираат. Тие можат да предизвикаат посериозна или помалку опасна болест, но исто така може да покажат и способност за избегнување на имунолошкиот одговор. Дефинитивно сакаме да го намалиме ризикот од создавање нови загрижувачки варијанти“, додава експертката.
