Секоја болка е знак дека нешто негативно се случува во организмот. Некои луѓе веднаш ќе изреагираат на тој знак и ќе побараат помош, а некои ќе чекаат додека болката не стане неиздржлива.
Важно е да се нагласи дека шаката (дланката) и раката спаѓаат во почувствителните делови на телото. Тоа најдобро го обjаснува податокот дека во споредба со остатнатите делови од телото, шаката има стотина пати сетилни приматели или рецептори. Освен шаката, во чувствителните делови на телото е и лактот. Веројатно, барем еднаш ви се има случено несакајќи да го удрите лактот и ја познавате болката што тогаш се јавува. Сега знаете и зошто.
Избегнете операција
Доколку на болка во шаката навремено реагирате, освен што се грижите за сопственото здравје, веројатно ќе избегнете и оперативно лекување. Постојат повеќе методи за лекување на шаката и раката без операција. Тие се применливи и ефикасни единствено во ситуации кога лицето ќе отиде на специјалист ортопед на почеток на болеста.
Во продолжение се наведени симптомите кои веднаш треба да ги пријавите кај лекар. Во спротивно, голема е веројатноста дека на шаката и раката тие ќе остават пократки и подолги, а можеби и трајни последици.
Не ве боли многу?
Ако болката континуирано се јавува, потребно е да отидете на лекар. Лековите не се долгорочно решение за болката. Освен тоа, сите немаме ист праг на толеранција на болка. Според искуствата на лекарите, лицата кои можат да поднесат болка, најчесто предоцна одат на лекар. На тој начин ги намалуваат шансите за целосно излекување.
Не сте се повредиле?
Пациентите најчесто на лекар доаѓаат со реченицата: Не сум се удрил, па мислев дека е нешто минливо и дека ќе помине само од себе. Причина за тоа е што болката често може да се повтори поради зачестено повторување на исти рачни активности. Најчести примери за тие работи се: типкање на телефон, работа со компјутерски глушец, домашни работи, спортски активности итн.
Ве боли левата рака, па ја користите десната?
Уште една честа изјава на пациентите е: Се служев со другата рака, додека болката на таа рака не ми помине. Без разлика дали се работи за трнење, болка, непријатност, притисок или некој друг симптом, најлошо решение е да се чека да помине само од себе. И покрај тоа што, симптомите може привремено да исчезнат, тоа не мора да биде знак дека болеста е излекувана.
Сте заборавиле дека ве болело?
Појавата на болка во одредени временски растојанија им помага на луѓето полесно да ја заборават. Како одминува времето, така сеќавањето на болката се повеќе избледува. Проблемот е во тоа што таквата „периодична болка„ е најопасна, бидејќи докажува дека болеста не е излекувана. Кај таквите пациенти кои, и покрај болката, одложуваат преглед, операција е најчеста можна терапија.
Затоа, престанете да игнорирате било какви потешкотии кои ќе ги почувствувате на шаката или раката. Болеста најчесто не поминува сама од себе. Избегнете операција и лекувајте ги своите тегоби и грижете се за своето здравје.
