Препознајте кога осипот е симптом за рак

Црвена, по малку надуена кожа, може да биде знак за различни здравствени состојби, а најчесто е алергиска реакција на некој нов производ или последица од треска. Меѓутоа, во ретки случаи, осипот може да биде и знак за нешто сериозно – канцер.

Речиси кај секој човек барем еднаш во животот се појавил осип и во повеќето случаи бил безопасен. Сепак, понекогаш осипот може да биде и симптом на рак, а еве како да препознаете дали сте во опасност.

Црвена, по малку надуена кожа, може да биде знак за различни здравствени состојби, а најчесто е алергиска реакција на некој нов производ или последица од треска. Меѓутоа, во ретки случаи, осипот може да биде и знак за нешто сериозно – канцер.

Црвениот осип,кој може да биде симптом за рак, често е сличен на псоријаза или егзема, предупредуваат стручњаците. Најчесто се јавува во црвени траги кои чешаат, а кожата се лупи. Дури може да се појават и точки кои имаат нијанса на сина или жолта боја. Ваквиот осип обично трае подолго од оние безопасните, и како ракот напредува, осипот многу често се зголемува и не реагира на масти и креми против осип.

Д-р Валајат Хусеин од Британското здружение на дерматолози, вели дека осипот може да биде симптом за канцер, но нагласува дека во повеќето случаи станува збор за безопасна кожна состојба.

„Кожата е прозорец низ кој се гледа телото. Ако во устата, на дланките или на стапалата ви се појави осип со пликови и прилично е сериозен, тоа може да биде знак за паранеопластичен осип. Паранеопластичен практично значи дека е поврзан со некоја форма на рак некаде во телото. Кога ракот се третира, осипот исчезнува„, вели д-р Хусеин.

Дерматологот вели дека најчесто ракот на крвта се манифестира со осип на кожата.

„Луѓето кои имаат леукемија или лимфом, често имаат симптоми на кожата кои дерматолозите може да ги препознаат„, додава тој.

ВОДИЧ – КОГА ОСИПОТ Е СИМПТОМ ЗА РАК


Црвен осип кој почнува да се лупи

Овој осип често се јавува кај луѓето на кои им е дијагностициран лимфом – рак на лимфниот систем. Може да биде посебно опасен кога канцерогените клетки во телото ќе стигнат до крвотокот. Кај овие лица може да се појави mycosis fungoides, осип кој се јавува кога крвта ќе стигне до надворешните слоеви од кожата. Во раната фаза, прво се појавуаат само цревени траги, но како напредува, почнува да се лупи. Може да чеша и изгледа слично како и егземата.

Мали црвени точки кои ја прекриваат кожата

Леукемија, вид на канцер на крвта започнува во коскената срцевина, може да се прошири по телото преку крвотокот. Кај лицата кои страдаат од леукемија, исто така може да се јават црвени точки на кожата. Тој осип е предизивикан од испуканите крвни садови под кожата. Кај децата може да се појави и осип во форма на темни точки на кожата.

Црвен осип на рацете и грбот

Дерматомиозитис се јавува на превиткувања на прстите (на задната страна на шаката), најчесто на зглобовите на прстите, а се појавува и на грбот. Овој осип може да се поврзе со било која форма на рак, а исто така може да се јави и на лицето, очните капаци,колената и лактите. Дерматомиозитисот може да предизвика слабеење и воспаление на мускулите.

Темни, задебелени флеки на кожата

Овој вид на осип во вид на темни флеки најчесто се јавува под пазувите, по препоните или на вратот. Тој осип секогаш е знак на некој скриен здравствен проблем. Тие флеки најчесто се суви и груби а понекогаш и чешаат. Најчесто се развива полека, а ако брзо се рашират по целото тело, тоа е симптом за рак.


“Најчесто осипот нема поврзаност со рак и мислам дека е важно тоа луѓето да го знаат. Во секој случај, пораката е дека ако забележите било што на кожата, веднаш отидете на лекар„, порачува д-р Хусеин.