Бразилскиот орев е богат извор на: селен, минерал кој има големо влијание на целокупната состојба на организмот. Само еден плод ги надоместува дневните потреби за селен. Слободно земајте ги сурови секој ден бидејќи освен со минерали, изобилуваат и со витамини и диететски влакна. Особено им се препорачува на лицата кои имаат проблеми со штитната жлезда.
Бразилскиот орев содржи 656 калории во 100 грама. Најголем процент калории, дури 85% доаѓаат од мастите. Маслото од бразилските ореви има благ вкус, познато е дека содржи дури 75% незаситени масни киселини сочинети главно од олеинска и линоленска киселина.
Бразилскиот орев, покрај селенот, има и диететски влакна, разни витамини и минерали. Содржи тиамин, витамин Е, магнезиум, фосфор, манган, железо и цинк. Исто така е одличен извор на витамини од Б групата кои имаат значајна улога во метаболизмот. Селенот заедно со витаминот Е се многу силни антиоксиданти. Истражувањата покажале дека лицата со недостаток на селен во организмот, се поподложни на бројни заболувања, но ни претераниот внес не е препорачлив и здрав!
Лековити својства
Овој јаткаст плод има поголемо значење и функција во превенцијата, отколку во самото лекување на веќе настаните заболувања. Неопходен е за правилна работа на штитната жлезда, го штити срцето и крвните садови, ги чува коските и дава енергија, ја зголемува силата и ја јакне мускулната маса, ги чува забите и непцата, го поттикнува варењето.
