Жените кои забремениле после 33. година од животот отсекогаш имале подолг животен век, а природната бременост во четвртата деценија е знак за побавно стареење на репродуктивниот систем.
Жените кои родиле подоцна имаат двојно поголеми шанси да наполнат 95 години, во споредба со оние кои родиле во доцните дваесетти, потврдило истражувањето на американскиот Универзитетски медицински центар Бостон, спроведено врз 462 жени.
Животниот век отсекогаш бил подолг за трудниците, односно жените кои забремениле по природен пат и родиле после 40-та година од животот имаат четири пати поголеми шанси да го доживеат 100 роденден, во однос на мајките кои родиле на помлада возраст.
Но таа веројатност се намалува ако мајката роди три деца – потврдило истражувањето.
Научниците веруваат дека бременоста во подоцнежна возраст е всушност знак на побавно стареење:
– Кај жените кои забремениле по природен пат, репродуктивниот систем поспоро старее. Тоа воедно важи и за остатокот од организмот, истакнал водачот на истражувањето, д-р Томас Перлс.
Колку жените се подолго плодни, толку и е поголема веројатноста дека генот за долг живот ќе се пренесе на идните гернерации, но тоа значи дека жените треба да ја одложуваат бременоста.
