Во студија објавена во списанието “Nature Communications” научниците од лондонскиот Универзитет Кралица Мери откриле техника за раст на минерални материи кои може да го обноват тврдото ткиво, како што се забната глеѓ и коските.
Пропаѓањето на забната глеѓ доведува до забоболка, а постепено и до губење на забот, што се случува на половина од светската популација. Пронаоѓањето на начин како да се сочуваат или да се обноват забите, долго време претставува проблем за денталната медицина.
Студијата толкува нов пристап кој, со голема прецизност може да создаде материи кои ќе ја заменат забната глеѓ и ќе изгледаат како неа.
Новите супстанци може да се користат за превенција на голем број компликации со забите, но и за лекување на расипани заби или нивна пречувствителност.
Контролата на процесот на минерализација отвора можност за создавање супстанци со својства кои ги заменуваат различните тврди ткива, како што се глеѓта и коските. Научниците истакнуваат дека нивниот проект има огромен потенцијал во регенеративната медицина.
