Плодот на малина е богат со хранливи материи, витамини и минерали, а може да го намали и ризикот од рак, дебелина, кардиоваскуларни болести, па дури и да ја зголеми плодноста.
Еве кои здравствени придобивки се кријат во малините:
Борци против ракот
Малините се преполни со антиоксиданти кои активно учествуваат во борбата против ракот. Покрај тоа, малините содржат 10 пати повисоки концентрации на антиоксиданти отколку доматите. Истражувањата покажале дека малините имаат важна улога во намалувањето на оксидативниот стрес и воспалителните процеси во телото.
Здравје на кардиоваскуларниот систем
Малините содржат калиум, кој помага да се регулираат отчукувањата на срцето и крвниот притисок. Тие, исто така, изобилуваат со манган, бакар и железо, кои произведуваат црвени крвни клетки.
Ја зголемуваат плодноста
Експертите тврдат дека витаминот Ц и магнезиумот, кои се наоѓаат во малините, може да ја подобрат плодноста кај мажите и жените. Уште една теорија тврди дека антиоксидантите во малините го штитат здравјето на спермата и го намалуваат ризикот од спонтан абортус.
Ја подобруваат меморијата
Со консумирање на малини, можеме да ги спречиме оштетувањата на мозокот и губењето на меморијата во постара животна доба.
Здравје на ткивата и крвните садови
Малините се полни со витамин Ц, кој помага во регенерација на кожата, коските, лигаментите и крвните садови.
Противвоспалителни својства: Поради нивните антиинфламаторни својства, малините штитат од срцеви заболувања, го зајакнуваат имунитетот и го стимулираат варењето
Го зајакнуваат имунитетот
Малините се богати со витамин Ц, кој го зајакнува имунитетот и штити од инфекции. Витаминот Ц го зголемува нивото на антиоксиданти во малините, што исто така влијае и на одложување на стареењето.
Здравје на очите
Комбинацијата на витамин А, витамин Ц и феноли го чува видот и го штити од појава на суви очи.
Побрзо и поздраво губење на тежината
Малините се богати со растителни влакна, а сиромашни со калории, што е идеална комбинација за губење на тежината. Ова слатко сезонско овошје, исто така, содржи многу вода и калиум, кои спречуваат дехидрација во овие жешки месеци.
Погодни за дијабетичари
Малините имаат низок гликемиски индекс, што ги прави погодни за дијабетичари и за сите оние кои мораат да го следат нивото на шеќер во крвта.
