5 чекори за заштита на кожата од сонцето: Избегнувајте директна изложеност на УВ зраци помеѓу 10 и 17 часот

Изборот на заштитен фактор (SPF) зависи од типот на кожата. На чувствителните лица и деца им се препорачува да користат SPF 50+, а за лицата со помалку чувствителна кожа е доволна и употреба на SPF 30

Правилната заштита од сонце подразбира низа акции со кои првенствено се спречува појава на изгореници, но и претерано потемнување на кожата. Опсегот на заштитата првенствено зависи од фототипот на кожата, бидејќи луѓето со потемен тен имаат поголема природна заштита од оние со посветол тен.

  • На прво место – избегнувајте директна изложеност на УВ зраци во лето помеѓу 10 и 17 часот кога сончевата светлина е најсилна и можеме да изгориме само по неколку минути сончање.
За ефективна заштита, фотопротективното средство е потребно да се нанесе 15 до 30 минути пред изложување на сонцето
  • Престој под сенка, носење капа или голем шешир, како и очила со УВ-заштита и облека со долги ракави, се вистинските чекори во правилна заштита од сонцето. Иако облеката во потемна боја подобро ги одбива УВ зраците, во лето поради топлината преферираме посветли бои. Денес, постои и облека што е ткаена од влакна во кои се импрегнирани фотозаштитни средства. Таквата облека на себе има ознака UPF.
  • За да се избегнат несаканите последици на делувањето на сончевото зрачење на кожата, редовната употреба на фотозаштитни средства (креми за сончање) се препорачува од рана пролет до доцна есен. Потребно е да нанесете малку повеќе од половина чајна лажичка крем на секоја рака, лице и врат, а на секоја нога, гради и грб нешто повеќе од една чајна лажичка. Не треба да се заборави ниту на усните, ушите и горната страна на стапалата. За ефективна заштита, фотопротективното средство е потребно да се нанесе 15 до 30 минути пред изложување на сонцето за кремата да се апсорбира во површинскиот слој на кожата.
Престој под сенка, носење капа или голем шешир, како и очила со УВ-заштита и облека со долги ракави, се вистинските чекори во правилна заштита од сонцето
    • Заштитното средство треба да се обновува после капењето, бришењето со крпа, потењето, бидејќи со тоа се отстрануваат 30-40 % од заштитниот слој. Изборот на заштитен фактор (SPF) зависи од типот на кожата. На чувствителните лица и деца им се препорачува да користат SPF 50+, а за лицата со помалку чувствителна кожа е доволна и употреба на SPF 30. Во превенција на фотостареење на кожата, но исто така и алергии на сонцето, како и појава на тумори под влијание на УВ зрачењето, се повеќе се користат различни антиоксиданти.
  • Изложеноста на ултравиолетовите зраци, било да е природен или вештачки извор на УВ зраци, се смета за главен фактор на надворешен ризик за развој на сите малигни тумори на кожата, вклучувајќи го и меланомот.