Неодамна во Русија е спроведено истражување и утврдено е дека чагата е одличен адаптоген, имуномодулатор, уништува габи, вируси и тумори, без разлика дали се малигни или не. Одамна е утврдено дека ја уништува кандидата, за која во последно време се тврди дека е основна причина за сите видови рак.
Во себе содржи антиоксиданти, меланин, бета глукан, бетулин/бетулинска киселина. Чагата, всушност, ги зема овие супстанци од кората на дрвото и ги депонира. Истовремено е исклучително моќна и блага. Нејзината највредна состојка е бетулинската киселина која го нормализира метаболизмот и ефикасно делува на сите органи во човечкото тело.
Поради големата количина меланин, за кој руските истражувачи утврдиле дека штити од радиоактивно дејство, чагата е неприкосновена како заштита од каков било вид на зрачење.
Бета-глуканот е модулатор на имунолошкиот систем, и овој дел од магичната равенка на оваа печурка е насочен во борбата против габите и ракот. Бета-глуканот е дел од полисахаридите што му се потребни на нашето тело за да функционира како што треба. Се наоѓа во алгите, медицинските печурки, гоџи бобинките, на пример. Овие основни шеќери ретко се активираат само со стандардниот начин на исхрана, па затоа е неопходно да се додаваат во форма на медицински печурки и минерали.
Чагата, како антиоксидант, е далеку подобра од аронијата, која е прочуена по ова свое својство. Денес чагата го зазема првото место на скалата на ORAC, која го мери нивото на антиоксиданти во прехранбените производи.
Оваа моќна печурка спречува развој на тумор и ги уништува канцерогените клетки, не допирајќи ги оние здравите. Чагата е прифатлива во хемотерапијата како додаток на конвенционалните средства, бидејќи го зајакнува имунитетот и ги ублажува несаканите ефекти.
Чагата е моќно средство против стресот, како причинител на скоро 90 % од сите заболувања. Своевремено советската влада им наредила на своите спортисти и астронаути да ја користат чагата како адаптоген за подобрување на умствените и телесните способности. Античките народи од Азија ја користеле илјадници години за одржување на здрава природна рамнотежа, верувајќи дека подмладува, го продолжува животот и го зајакнува телото.
Чагата се користи и како храна, лесно сварена во супа со додаток на зеленчук, како чај се користи и сушена, во прав и како екстракт. Како и да се консумира, чагата покажува извонредни резулати.
