До наталожување на гасови во цревата доаѓа како резултат на ферментацијата на одредени намирници (како што се на пример, намирниците богати со скроб, сушено овошје и сл.) и поради лошо сварената храна, како и голтањето воздух додека јадеме или пиеме газирани напитоци. Како последица на тоа стомакот станува надуен, се зголемува зачестеноста на исфрлањето гасови, а може да се јават и болка и мачнина во стомакот.
Благодарение на своето спазмолитично дејство чајот од маточина може да ја намали зачестеноста на грчевите во цревата и да го поттикне исфрлањето на наталожените гасови, на тој начин ублажувајќи ги непријатните стомачни симптоми.
Чајот се прави на тој начин што 1 до 3 лажички сушен лист од маточина се преливаат со 2,5 дл провриена вода, се остава да отстои десетина минути и потоа се процедува. Се пие после секој оброк во текот на неколку дена.
Сепак имајте на ум дека маточината има и седативно дејство и би требало да се избегнува пред активностите како што се на пример, управување со моторно возило и ракување со алати и машини.
