Проф. Костја Володин од физичката лабораторија на државниот универзитет во Москва смета дека најдобар чај е оној што ќе се свари во микробранова печка. Според неговите податоци 80 % од кофеинот, танините (аминокиселини), полифенолите што се наоѓаат во зелениот или во црниот чај може да се активираат само во вода приготвена во микробранова печка со веднаш ставени филтер вреќички чај.
Водата со чајот треба да се вари во микро-печката 30-тина секунди на највисока температура, а потоа треба чајот да се остави да отстои надвор уште три минути. Со ваквото приготвување, вели проф. Володин, чајните ливчиња испуштаат најмногу антиоксиданти и добиваат најубав вкус. Според мислењето на руските експерти, шолја чај подготвена на ваков начин е еднаква на количина антиоксиданти добиени од три шолји чај подготвени на класичен начин.
