Чистењето на телото не мора да биде комплицирано, следете ги следниве чекори:
Овошје
Консумирајте што повеќе овошје во каква било форма – свежо, суво, замрзнато или како сок. Тоа ќе ви донесе енергија и виталност.
Вода
Пијте што е можно повеќе вода! Водата е важна за вашето здравје, треба да пиете 8 – 10 чаши вода секој ден. Ова ќе ги елиминира токсините од вашето тело, ќе го подобри метаболизмот, расположението и изгледот.
Минувајте повеќе време во природа, шетајте и дишете свеж воздух
Зелен зеленчук
Брокулата, кељот, спанаќот изобилуваат со витамини и минерали. Консумирањето зелен зеленчук го подобрува имунитетот, го чисти организмот од токсини. Јадете колку што можете повеќе – во суров облик, динстан или варен на пареа, во салати или во домашни зелени сокови.
Интегрални житарки и мешунки
Одличен извор на антиоксиданти, витамини, минерали, протеини и диетални влакна се токму мешунките и интегралните житарки. Во вашата исхрана, вклучете и кафеав ориз, леб од интегрално брашно, грав, леќа, наут.
Лимон
Лимонот помага во елиминирање на токсините од организмот. Започнете го денот со чаша топла вода во која сте исцедиле половина лимон. Веднаш ќе се чувствувате подобро, а после некое време ќе забележите дека имате повеќе енергија и губите килограми.
Што треба да избегнувате?
Немојте да пиете алкохол, кафе или газирани пијалаци. Намалете ги цигарите или обидете се да се откажете од пушењето. Не консумирајте маргарин, рафинирани масла, бел шеќер, бело брашно. Избегнувајте тешка, пржена и масна храна.
Дополнителни совети
– Одморајте се,
– Одете во кревет порано,
– Вежбајте умерено,
– Минувајте повеќе време во природа, шетајте и дишете свеж воздух
– Наместо пржена и печена храна, јадете колку што е можно повеќе свежо овошје и зеленчук
– Правете домашни сокови од овошје и зеленчук.
