Здодевното чешање на препоните може еднакво да ги зафати лицата кои извршуваат канцелариска работа, како и врвните спортисти. Причина за црвеното, надразнето подрачје кое чеша, е габичната инфекција (tinea cruris). Но, причина може да биде и габа карактеристична за атлетското стапало (tinea pedis) која се проширила на препоните.
Други причини се квасните габички, бактерии или едноставно надразнетост на кожата: препоните се жешки, потното подрачје на кое се случува многу се тре, така што проблемите со кожата на тоа подрачје се речиси неизбежни. Ако се појават меури на деловите кои чешаат или ако не исчезнуваат и по неколку недели самолекување, задолжително побарајте лекарска помош.
Можеби станува збор за алергиска реакција на некој иритант во облеката (латекс во долната облека е чест алерген), или на прашокот за перење што го користите. Во ретки случаи, чешањето во делот на препоните е поврзан со сериозни состојби, како дијабетес или рак.
ДОПОЛНИТЕЛНИ СОВЕТИ
- Носете удобна, комотна облека, оти тесната ги загрева препоните што поттикнува чешање
- По секоја активност менувајте на мократа облека
- Секогаш носете чиста долна облека и облека
- Ако имате атлетско стапало, најпрво облечете чорапи, а потоа облечете долна облека
- По капењето, исушете го подрачјето на препоните со фен за коса, ставен на најладна температура
- По облекување на долна облека, наросете ги препоните со талк или детска пудра, ќе ја впие влагата и ќе ја одржува кожата сува
- Ако имате вишок килограми, би било добро да ги намалите, оти габичките се собираат во наборите на кожата поради влагата и топлината, што е погодно за нивен развој.
