Чешањето е заразна пренослива болест на кожата предизикана од грини (Sarcoptes scabiei) којa се појавува на површинскиот слој на кожата. Грините копаат канали во кожата и во неа ги положуваат своите јајца од кои потоа се развиваат нови грини, а опишаниот процес предизвикува непријатно чувство на чешање на деловите на телото на кои се вдомиле овие невидливи животинки. Чешањето е многу интензивно и најчесто се појавува на:
- Просторот меѓу прстите на дланките;
- Рачните зглобови;
- Лактите;
- Подлактиците;
- Пазувите;
- Внатрешната страна на бутовите;
- Долниот дел на стомакот.
Чувството на чешање е проследено и со изразено црвенило и мали тенки линии на тие места кои се всушност видлива трага на каналите што ги ископале грините. Чешањето се пренесува од човек на човек, но лекарите истакнуваат дека тоа нема да се добие со ракување бидејќи за пренос сепак е потребен поблизок и подолг контакт, како спиење во кревет со заразеното лице на заразената постелнина.
Доколку ги забележите споменатите симптоми, веднаш побарајте лекарска помош, а докторот е тој кој дијагнозата на чешање ќе ја постави врз основа на анализа на кожата. По пронаоѓањето на грините се отпочнува со терапија на специјални лекови, а се препишуваат и креми и лосиони за ублажување на чешањето.
За време на терапијата важно е во врела вода да се испере облека од појавата на чешањето, облеката која не се пере во машина или рачно, да се однесе на хемиско чистење, темелно да се исчистат постелнината, пешкири кои се користени и да се вшмукаат сите површини со кои лицето било во контакт откако се појавило чешањето.
