Горчливиот или кисел вкус во устата е нормална работа единствено ако јадете таква храна. Во спротивно може да има многу поопасно значење, односно може зад ова да се крие еден вид на рак. Затоа ако горчливиот или кисел вкус ви трае веќе некое време, не го одложувајте одењето на лекар. Самото сетило за вкус може да е засилено заради многу различни фактори, како што се хигиена на устата, исхрана, сува уста или бременост. А лекувањето на овие непријатни вкусови главно се сведува на народни лекови, но мошне важно е да се најде вистинската причина. Ваквиот вкус во устата се нарекува дисгеузија и може различно да се манифестира. Луѓето кои патат од ова пореметување може во устата да имаат констатно чувство на горчина, вкус на метал, сол.
Еве кои компликации можат да настанат ако навреме не го отстраните овој проблем:
Рефлукс на желудникот
Гастроезофагеалниот рефлукс или киселиот рефлукс не е директна последица на киселиот вкус во устата. Може да се каже дека овие две состојби во телото меѓусебно се причинско–последично поврзани. Имено, кога киселината како резултат на рефлукс ќе се врати во хранопроводот и во устата, тогаш се задржува киселиот вкус. А кога киселината се создава во устата ние ја голтаме и таа се насобира во желудникот условувајќи рефклукс.
Габична инфекција на устата
Горката и кисела средина е погодна за развој на габични заболувања. Кога еднаш ќе се развијат ваквите болести, тогаш е мошне напорно да се лекуваат и излечат, затоа што болеста често се враќа. Треба да се напомене дека габичните инфекции ги задржуваат овие непријатни вкусови во устата подолго.
Стрес и анксиозност
Хормоните кои се лачат за време на засилената вознемиреност доведуваат до создавање на поголемо количество киселина во желудникот и дванаесетпалечното црево. Оттаму доаѓа и непријатниот вкус во устата. Меѓутоа овде може да станува збор за нешто многу посериозно, односно за нарушување на централниот нервен систем. Оштетувањето на нервниот систем доведува до епилепсија, мултипла склероза, тумори на мозокот, фацијалис и деменција.
Рак на мозокот
Туморите на мозокот, како што е веќе познато, ги зафаќаат нашите сетила, Меѓу нив е и сетилото за вкус, кое кога ќе се оштети луѓето може да чувствуваат непријатности подолго време. Честа е ситуацијата луѓето прво да забележат пореметување на сетилото на вкус, па дури потоа да се открие туморот на мозокот, но тогаш во најголем број случаи веќе е доцна затоа што се размножиле канцерогените клетки.
