Промена на времето,наглиот пораст на надворешната температура и прекумерно солената храна се главни виновници за отекување на нозете. За да ги ублажите тегобите, бидете физички активни, советуваат стручњаците. Занимавањето со спорт има повеќекратно позитивно делување, оти стимулира наизменично затегање и истегнување на мускулите и истовремено ја поттикнува циркулацијата. Но, пред да почнете да се занимавате со спорт, задолжително консултирајте се со лекар ако имате сериозни здравствени тегоби.
Пешачење, пилатес и пливање се победничко трио.
Најдобро е да пешачите на рамно,на тревни или песочни терени или терени со блага нагорнина за да можете повеќе да се потпирате на петата и да ги зајакнете мускулите на листовите од ногата. Од друга страна, пилатес вежбите ги зајакнуваат мускулите на нозете, а со правилното дишење додека ги правите тие вежби го поттикнувате движењето на крвта кон срцето. Пливањето исто така може да биде од голема корист. Имено отпорот на водата делува како хидромасажа и поттикнува дренирање на лифните жлезди.
Возење велосипед и вежби на степер подеднакво се ефикасни. Додека возите велосипед го стимулирате протокот на крв низ вените, но потрудете се да го подесите седиштето на велосипедот така да петите ви бидат по истегнати кон подот, кога ги вртите педалите. И степерот е корисна работа за личности кои имаат проблеми со циркулацијата, бидејќи додека вежбате на него, правите движење со нозете со голема амплитуда кои спречуваат задржување на крвта во ниво на зглобовите.
