Доколку не поминувате осум часа во седечка положба и на неудобно столче во кое ви висат нозете, а повторно имате отоци, можно е да се работи за симптом на некој посериозен проблем.
Постојат голем број причини за отекување на нозете, а некои од најчестите се:
Претерана активност во неудобни чевли – неудобните обувки може да резултираат со отекување на нозете.
Стара повреда – дури и после долго време (на пример, повреден зглоб) голема е веројатноста дека ќе ви се појавуваат отоци. Треба само да ставате ладни облоги.
Лимфедем – станува збор за прогресивно отекување на нозете до кое доаѓа кога во меѓуклеточниот простор се таложи лимфа која не може да се одлие со лимфната и венската циркулација. Ова е тешко, хронично, прогресивно, долготрајно и неизлечиво заболување.
Болести на вените – најчести симптоми се отекување и болка во нозете после подолго стоење, но болеста може да напредува и до појава на рани, односни венски улцерации. Една од ургентните состојби е длабока венска тромбоза која може да се искомплицира и со белодробна емболија.
Нуспојава на одредени лекови – голем број лекови може да предизвикаат отекување на нозете и зглобовите, затоа треба веднаш да се престане со терапија и да се побара лекарска помош.
ПМС – кај жените отоците може да се јават во склоп на ПМС, и тоа заради дисбаланс на естрогенот и прогестеронот.
Болести на срцето, црниот дроб или бубрезите – отекувањето на нозете е еден од најчестите симптоми за проблеми со срцето, црниот дроб или бубрезите. Доколку почувстбувате и други симптоми како умор, губиток на апетитот или зголемување на телесната тежина, појдете на лекар.
