Луѓето кои често е ежат се поздрави, имаат подобри односи со блиските, но и повисоко образование, покажува ново истражување. Спроведена е студија меѓу посетителите на еден музички фестивал во Велика Британија. Научниците сакале да утврдат дали ежењето има некаква поврзаност со здравјето и карактерот на луѓето. Се покажало дека одговорот е потврден, бидејќи луѓето кои почесто се ежеле биле поздрави, имале подобри односи со блиските, но и повисоко образование.
Испитувањето се вршело на 100 луѓе кои го следеле музичкиот настап во живо додека носеле уред за следење на физиолошките реакции. Научниците потоа спровеле низа психолошки тестови. Секој втор испитаник, поточно 55 од нив се наежиле. Кај повеќето, тоа се случило во првата минута од настапот, а жените се посклони кон ова искуство.
Оние кои макар еднаш се наежиле за време на фестивалот, почесто себеси се опишувале како чувствителни и спремни за компромис. Исто така, често своето расположение го оценувале како одлично, а здравјето како генерално добро. Интересно е дека за 43% од нив, поголема била веројатноста да имаат факултетска диплома, за разлика од оние кои не се наежиле ниту еднаш.
