Постојат болести кај кои е неопходна брза лекарска интервенција и кои ако не се лекуваат во првите 24 часа од појавата на симптомите, можат да бидат со фатален исход. Ова се дел од тие болести:
Менингитис
Менингококите се бактерии кои може да се откријат кај секое 10 лице. Се наоѓаат на дното на грлото и обично остануваат неактивни. Но од причини кои се уште не се познати и разјаснети, тие можат да бидат активирани, особено кај децата и адолесцентите. Резултатот е инфекција на обвивката на мозокот и на ‘рбетниот мозок. Прогнозата е позитивна во пет од шест случаи, но само ако реагира веднаш.
Сигнали за аларм
- Висока температура проследена со тешка главоболка;
- Една или неколку црвени дамки кои не исчезнуваат при притисок на кожата;
- Вкочанет врат;
- Пречувствителност на светлина и на звуци.
Септичен шок
Тој е најчестата причина за фатален исход на одделите за реанимација. Се должи на инфилтрација на заразни бактерии, вируси и габи во организмот. И покрај напредокот на медицината, септичниот шок е фатален во 50 % од случаите.
Се започнува со инфекција во белите дробови или во дигестивниот тракт. Во 10 % од случаите, инфекцијата е уринарна. Предизвикувачите се размножуваат брзо и во огромно количество напаѓајќи го соодветниот орган и го зафаќаат целиот организам. Доаѓа до комплетна инфекција чиј брз развој доведува до септичен шок.
Анафилактичен шок
Тоа е најтешката алергиска реакција. Како и кај септичниот шок, станува збор за јака инфекција, но во овој случај таа е врзана со некаков алерген, кој може да произлезе од храна, лекови или убод од пчела. Доколку причината е супстанција која е внесена директно во крвотокот (интравенски), симптомите во просек се јавуваат во рок од пет до 30 минути. Но доколку причината е храна тогаш симптомите во просек се појавуваат за два часа. Најчесто, опфатени се следниве области: кожа (80–90 %), бели дробови и дишни патишта (70 %), желудник и црева (30–45 %), срце и крвни садови (10–45 %) и централниот нервен систем (10–15 %). Обично се опфатени два или повеќе од овие органски системи. Анафилаксата може многу брзо да доведе до фатален исход. Единственото лекување се состои од инјектирање на адреналин.
Сигнали за аларм
- Тешко дишење;
- Уртикарија;
- Ангиоедем (отоци на лицето, очните капаци и усните);
- Проблеми со дигестивниот тракт (грчеви во стомакот, пролив, повраќање).
Белодробна емболија
Може да се случи одеднаш кај здрави лица од сите возрасти. Емболија е затнување на една гранка на белодробната артерија од парче згрутчена крв – емболус. Емболусот најчесто е резултат на тромбоза на длабоките вени во 80-85 % случаи или од површински тромбофлебитис во 6-12 % случаи. Меѓутоа емболуси можат да бидат и воздух, масни капки, паразити, бактерии, плодова вода, канцерогени клетки или туѓо тело. Фаталниот исход настапува поради сопирање на работата на срцето.
Сигнали за аларм
- Силна болка во градите, која наликува на срцев удар;
- Ненадејно задишување, отежнато дишење (полипнеа);
- Сува кашлица, понекогаш придружена со крв.
Акутен панкреатит
При ова заболување панкреасот „сам се јаде“. Во 10 % случаи се јавува смрт. Главниот знак е тешка болка во стомакот што го тера пациентот да заземе латерална позиција на лежење со свиткани колена. Ова е сериозно заболување кое бара итно лекување и итна хоспитализација на болниот. Главна улога во настанувањето на акутниот панкреатит кај нас во 80 % од случаите имаат болестите на билијарниот систем (жолчните патишта и жолчната ќеса), додека алкохолизмот е главна причина за настанување на хроничниот панкреатит.
Сигнали за аларм
- абдоминална болка;
- мачнина;
- повраќање;
- покачена телесна температура.
