Раните знаци на деменција често се мошне суптилни и нејасни, што ја отежнува дијагнозата и лекувањето. Исто така, раните симптоми на деменција зависат од нејзниот вид и се разликуваат од личност до личност – но постојат и некои типични знаци кои се јавуваат кај многумина.
Губиток на памтењето
Нормално е повремено нешто да се заборави и да се сетите подоцна, но луѓето со деменција забораваат често и тешко им е да се присетат на значајни настани или некои секојдневни активности. Губењето на памтењето е еден од најчестите рани знаци на деменција.
Дезориентираност
Луѓето со деменција може да имаат проблем со пронаоѓањето на некое место на кое сакаат да појдат или може да бидат збунети, па се случува да не знаат каде се или да мислат дека се на некое друго место, а често и во друго време, од времето на младоста.
Потешкотии во решавањето задачи
Луѓето со деменција може да заборават како се обавуваат некои, инаку едноставни и рутински задачи како готвењето и често имаат проблем со основните чекори на некоја активност.
Јазички проблеми
Сите понекогаш се мачат да најдат вистински израз за нешто, но луѓето со деменција често забораваат и на основни зборови или ги заменуваат со други кои немаат исто значење, па тешко е да се разберат. Исто така, личноста со деменција може да има проблем и со разбирањето на другите.
ПРЕВЕНЦИЈА:
- Вежбајте го умот така што ќе решавате судоку, крстозборки и сл.
- Редовно вежбајте, одржувањето на кондицијата е мошне важно.
- Хранете се правилно и редовно. Земањето суплементи како витамин Е или екстракт од билката гинко билоба не е доволно.
