Доколку сте ги намалиле порциите и сте ја зголемите физичката активност, но и понатаму нема резулати на слабеење, треба да обрнете внимание на овие четири хормонални причини кои може да бидат одговорни за прекумерната телесна тежина.
Надбубрежната жлезда како причинител за дебелината
Надбубрежните жлезди учествуваат во реакцијата на телото „бори се или бегај„, што е директен одговор за стресот. Ако организмот често доаѓа во стресни ситуации, тоа може да доведе до дисбаланс на хормоните, а последица од тоа е пореметување на разни функции на организмот.
Надбубрежните жлезди го ослободуваат хормонот на стрес – кортизол. Високото ниво на кортизол предизвикува дебелеење во средниот дел од телото.
Симптоми на пореметување на
работата на надбубрежната жлезда:
- Масни наслаги на стомакот и половината;
- Полно лице и врат, а релативно тенки раце и нозе;
- Зголемен крвен притисок;
- Високо ниво на шеќер во крвта, слабост на мускулите, променливо расположение.
Зголемување на телесната тежина поврзано со црниот дроб
Црниот дроб е еден од главните органи одговорни за општото здравје на организмот. Со пореметуваењето на работата на црниот дроб, доаѓа до таложење на масни наслаги во делот на стомакот.
Како последица на ова, може да се
појават следните проблеми:
- Зголемено ниво на шеќер во крвта;
- Зголемен крвен притисок и холестерол;
- Болка во зглобовите, алергии и проблеми со кожата.
Пореметувањето на работата на штитната жлезда предизвикува дебелина
Штитната или тироидната жлезда го регулира метаболизмот на сите останати ткива. Кога штитната жлезда не е доволно активна, тежината се зголемува, дури и ако се намали внесот на калории.
Симптоми на намалена активност на штитната жлезда:
- Слабост на мускулите и сува кожа
- Постојан замор и зголемена телесна тежина
- Паѓање на косата
- Забавен пулс
Зголемена телесна тежина по пореметување во работата на јајчниците
Ова е типична причина за дебелеење на жените кои имаат хормонална нерамнотежа. Сите јаглехидрати кои лицето ги консумира, во организмот се претвораат во масните наслаги. Без оглед колку жената правилно се храни, таа ќе добива вишок килограми.
Симптоми на пореметување на работата на јајчниците:
- Зголемување на телесната тежина и покрај диети и физичка активност
- Прекумерна желба за слатко и млечни производи
- Дебелеење во долниот дел на телото
- Болка во пределот на јајчниците
Секако, постојат уште многу причини за појава на вишок килограми. Постојат и други болести кои предизвикуваат зголемување на телесната тежина и покрај правилната исхрана и редовното спортување. И затоа, ако нагло сте почнале да се дебелеете и не успевате да ја намалите телесната тежина – задолжително отидете на лекар.
