Чистењето на јазикот е древна ајурведска метода со која може многу да се направи за здравјето. Преку секојдневното спроведување, со оваа метода се штити грлото, се поттикнува варењето и се чисти организмот од насобраните токсини.
Формата на јазикот, неговата боја, сувоста, односно влажноста, како и одредени промени како израстоци, пукнатини и линии се важен дел од сложувалката кои создаваат јасна слика што всушност се случува во телото. Една од тие показатели се и наслагите на јазикот.
Токму тие наслаги се сигурен знак за нерамнотежа во организмот и упатуваат на тоа дека е дојдено време да се започне со здрави животни навики, а во тоа помага и оваа метода за чистење на јазикот.
Прва и основна причина за чистење на јазикот е хигиената, а веднаш потоа и отстранувањето на бактериите кои се наталожиле на овој дел од организмот. Јазикот е споен со дигестивниот тракт и внатрешните органи, па со негово чистење се испраќа порака до сите органи и се поттикнува варењето и лачењето на ензими. Јазикот се чисти секое утро, по вообичаеното четкање на забите. 
Ајурведската метода препорачува нежно стругање на насобраните наслаги на јазикот, со специјална метална четка за чистење на јазик.
Ајурведската медицина, според Светската здравствена медицина е најстар одржан, применуван систем за заштита на здравјето во светот, а потекнува од древна Индија. Светската здравствена организација ја признала ајувердата во 1977 година како метода на традционална медицина, која е призната и кај нас.
