Блескавиот ефект на маслиновото масло врз нашето здравје е одамна познат, но ретко кој знае дека и лисјата на маслинките се лековити.
Повеќето од нас уживаат во консумацијата на маслиновото масло, сите ја знаеме неговата лековитост, но не знаеме дека и листовите на маслинките имаат различни лековити својства.
Токму листовите од маслинки се традиционален лек кој со векови се користи за терапевтски цели. Референци за неговото лекување може да се пронајдат дури и во Библијата
Едно од основните соединенија во маслиновото ливче, кое се вика олеуропеин, има антибактериски, антивирусни и антигабични својства. Истражувањата покажале дека го намалува крвниот притисок и шеќерот и содржи повеќе антиоксиданти отколку зелениот чај. Денес за терапевтски цели најчесто се користи екстракт од маслинови листови или од листовите се вари чај.
- Помага кај остеопороза. Олеуропеинот го поттикнува развојот на клетки, кои се заслужни за развој на коските и на тој начин помага во превенција и лекување на остеопорозата.
- Лекува бактериски и вирусни инфекции. Микроорганизмите како што се бактериите и вирусите се беспомошни пред олеуропеинот. Тој ја запира репродукцијата на супстанции кои им помагаат да се рашират низ организмот.
- Го спречува стареењето. Слободните радикали и штетат на кожата, а листовите од маслинки се богати со феноли и антиоксиданти, кои ги неутрализираат слободните радикали и ја ревитализираат нашата кожа.
- Го намалува крвниот притисок. Експертите докажале дека олеуропеинот ја подобрува циркулацијата, го спречува згрутчувањето на крвта и го намалува крвниот притисок.
- Се бори против холестеролот. Бројни супстанции во маслиновите листови го спречуваат создавањето на лош холестерол во нашиот организам.
