Резултатите од две неодамна претставени студии укажуваат на позитивните ефекти на живеењето со кучиња врз детското здравје. Имено, кај децата чии мајки за време на бременоста имале куче е забележен намален ризик од алергиски екцем, иако, исто така, е забележано дека овој заштитен ефект се намалува во наредните десет години.
Кога станува збор за ризик од астма кај децата, утврдено е дека изложеноста на бактериите кои ги носи кучето може да делува заштитно против симптомите на астма.
Од друга страна, заклучено е дека и протеинот кој го имаат кучињата и кој е главна причина за алергијата на кучиња може да предизвика симптоми на астма кај децата кои патат од овој тип на алергија.
