Според старите верувања, чувар-куќа ја штити куќата и семејството од пожари, болести, зли сили… Затоа и се нарекува чувар на куќата. Нејзиното латинско име Sempervivum значи „секогаш жива“.
Станува збор за многу отпорна и „благодарна“ билка која лесно се одгледува, докажан чувар на здравјето, бидејќи содржи изобилство на лековити флавоноиди и киселини.
Лековит сок
Месестите листови се полни со сок кој од дамнина се користи за лекување на болка во увото, на начин што 2-3 капки сок се исцедуваат во болното уво. Потребно е неколку минути да одлежат, да се остави течноста во уво, а потоа да се наведнете на страна и да оставите течноста да истече надвор од увото.
Поради антиинфламаторните и антисептичките својства, чувар-куќа е одличен природен лек за кожни болести и рани и прва помош при каснување од инсекти и изгореници.
Во народната медицина, исто така, се користи за лекување на брадавици, „курје око“ и сончеви пеги, а може да се нанесува и на места кои се болни поради грчеви или гихт
Кожата се премачкува со сокот од чувар-куќа или се става облог од пресечен лист. Свежо исцедениот сок од чувар куќа може и да се пие (дури може и да се изедат неколку листови) како природен лек за бронхитис, гнојни воспаленија на грлото и забното месо, прочистување на цревата, а се зема и како смирувачко средство при нервна растроеност. Некои истражувања покажале дека чувар-куќа го намалува ризикот од рак и помага во лекување на канцерогените болести.
Чај за смирување
Од чувар-куќа, исто така, може да се подготви и чај, кој се препорачува против менструални проблеми, дијареја и чир на желудникот. Исто така, е погоден и за испирање на грлото во случај на гнојна ангина. Во 2,5 дцл вода, ставете 12 г исушени или 10 г свежи листови чувар куќа и варете 15 минути, потоа процедете и оставете малку да се излади. Се препорачува шолја чај наутро на празен стомак, а потоа на секој час по една лажица, додека не ја испиете подготвената количина.
Мешавината на чувар куќа и мед (750 г свежи листови се мелат и се мешаат со 1 кг мед) се смета за одличен природен лек за миоми и тешкотии со штитната жлезда, така што се зема 1 лажичка наутро на празен стомак, а во текот на денот, уште 1-2 лажички.
