Сте слушнале ли за сезонско афективно растројство? Праксата покажува дека чуството за замор и негативно расположение при промената на сезоната може да сигнализира дека станува збор за посложена психичка состојба. Погледнете што треба да знаете за сезонското афективно растројство (нарушување).
Сезонското афективно растројство е психолошко заболување, тип на депресија кое се развива според сезонски модел. Тоа обично се случува кога времето се влошува и се задржува така подолг период, но, исто така, е познато и за случаи кои се развиваат во текот на летото. Во зависност од сезоната, може да се дефинира како зимско или пролетно-летно нервозно нарушување со активни периоди од октомври до ноември и март-април.
Причини и симптоми
Најчестите случаи на сезонско афективно нарушување се забележуваат во земји со лоша клима, долги ноќи и помалку дневна светлина. Сепак, ова не ги исклучува и останатите места кои нудат различни услови. Причините за депресијата може да бидат хормонални, предизвикани од стрес и замор, како и наследни ако има случаи на нервно растројство во семејството. Сепак, најзастапената теорија е дека синдромот на афективно растројство настанува поради промени во биолошкиот часовник. Помалку сончеви денови предизвикуваат намалување на нивото на серотонин, што доведува до депресивни состојби и промени во расположението.
Ако страдате од зимско афективно растројство, можни симптоми се: замор, апатија, проблеми со концентрацијата, чувство на безнадежност, нервоза и раздразнетост, недостаток на интерес или желба за социјален контакт, стегање во градите, намалено либидо, зголемување на телесната тежина.
Ако страдате од пролетно-летно афективно нарушување симптомите вклучуваат раздразливост, губење на апетит и ненадејно губење на тежината, несоница, хиперактивност.
Лекувањето на сезонското афективно нарушување започнува со разговор со психолог или психијатар. Тој може да препише терапија, да спроведе неколку консултации за да утврди дали постои друга конкретна причина за болеста.
