Ашваганда (Withania somnifera) или т.н. индиски женшен е билка која подмладува и е со шириок спектар на користење во ајурведа. Ашвагандата ја зголемува физичката издржливост и особено е подгодна за спортисти.
Таа се применува во ајурведската медицина уште од античко време. Содржи основни биолошки активни супстанции како што се алкалоиди и лактони. Коренот на ашвагандата е богат со алкалоидот витанин, како и сомниферин, сомнин, холин, тропин псевдотропин и други. Листовите содржат лактони, наречени виталолиди.
Поради своето силно адаптогено дејство, ашвагандата ја подобрува физичката форма. Во комбинација со одговарачки балансиран режим на исхрана значително ја зголемува физичката издржливост. Таа има и антистресогено дејство, го подмладува и освежува организмот, делува како невротрансмитер кој ги подобрува конгитивните способности, како и функцијата на имуниот, кадиоваскуларниот, нервниот, репродуктивниот и ендокриниот систем.
Ашвагандата, исто така, има благ седативен ефект врз централниот нервен систем и делува како мускулен релаксант заради што се препорачува за намалување на ефектите на стресот, несоницата, анксиозноста и депресијата. Најчесто се употребува за подобрување на виталноста и општата здравствена состојба, особено кај лица кои се опоравуваат од тешки или хронични заболувања.
Во Азија оваа билка многу често се користи и за зголемување на либидото, третман на импотенција и зголемување на плодноста кај мажите. Таа, исто така, помага и во регулацијата на шеќерот во крвта и го намалува апетитот за слатки работи заради што се препорачува и кај дијабетичарите.
Се препорачува:
- Кај лица со хронични заболувања и рековалесценти;
- При проблеми со дигестивниот тракт;
- Кај проблеми со респираторниот систем;
- Кај невропсихијатриски тегоби;
- За намалено либидо и плодност кај мажите.
