Едно од три интернет пребарувања поврзно е со здравјето. Д-р Гугл има се повеќе пациенти, секогаш е дежурен и е експерт за сите здравствени прашања. Доколу постојано пребарувате симптоми и дијагнози на интернет и скоро секогаш станувате се позагрижени и поисплашени поради новите болести за кои што читате, време е да проверите што значи сајберхондрија (cyberchondria).
Во повеќето дефиниции за сајберхондрија се истакнуваат два аспекти: претерана загриженост за здравјето и постојано пребарување информации за здравјето на интернет, кое всушност ја зголемува анксиозноста. Се уште не е јасно што прво се јавува.
Дали загриженоста за здравјето го однела лицето на интернет во потрага по одговори?
Ова објаснување е модерна верзија на традиционалната хипохондрија. Неоснована загриженост за физичкото здравје ги носи хипохондриците на многубројни лекари, бесконечни, непотребни лабораториски тестови, скенирања и третмани.
Иако е помалку веројатно, сепак е можно човек кој никогаш не се плашел од болести, да стане здравствено анксиозен поради информациите кои ги прочитал.
Според ова, сајберхондријата е проблем на однесувањето, односно компулсивен нагон за трагање по информации кои поради ссвојата одржина предизвикуваат нови и преувеличени стравови за здравјето.
Некои особини на луѓето, како што е перфекционизмот, може да влијае на појава на оваа болест. По својата природа, перфекционистите трагаат по целосни, детални одговори, што може да доведе до сајберхондрија. Со оглед на тоа дека се смета оти интернет содржи се што е познато за некоја одредена тема, тој тогаш мора да биде во можност да пружи „перфектно„ објаснување и за здравствените недоумици. И така почнува бескрајно и фрустирачко онлајн трагање по конечните одговори.
Уште една група луѓе кои се под ризик, се луѓето кои тешко ја прифаќаат несигурноста. Интернетот, не секогаш нуди точни и конкретни информации, а алгоритамот на Гугл за исфрлање на резултати од пребарувањето не е секогаш поврзан со квалитетот. Ако на оној кој пребарува услуги на Д-р Гугл, му пречи несигурноста, макотрпната потрага по податоците, читање меѓу редови и вкрстеното пребарување, неговата здравствена анксиозност може да се зголеми.
Кај некои лица сајберхондријата може да се појави и парадоксално. Оние кои сакаат да си играат доктори, за кои откривањето на причините и симптомите претставува редење на сложувалка, може да се навлече на пребарување, до таа мерка што ќе почне да предизвикува анксиозност.
Управувањето со сајберхондријата не е строго испитано. Останува многу работа околу тестирањето и лекувањето, како и околу развивање на подобар алгоритам, кој ќе ги поврзува симптомите и болестите и ќе пружат посигурни резултати за здравјето.
