Трикови против анксиозност

Анксиозноста, за жал, стана редовна појава во современиот начин на живот, па затоа ви откриваме трикови што ќе ви помогнат да ја решите или барем да ја намалите…

Со овие неколку трикови ќе си помогнете себеси, така што ќе ги опуштите мускулите, ќе научите правилно да дишете, ќе ги надминете фобиите, ќе се соочите со проблемите и по природен пат ќе ја надминете состојбата на анксиозност. 

Релаксирајте ги мускулите

Ако загриженоста или стресот не ви дозволуваат да заспиете, тогаш работете на отпуштање на одредени групи мускули, во што можат да ви помогнат соодветни мобилни апликации или онлајн-вежби.

Направете список на реални чекори во решавањето на конкретните фобии

Ако страдате од некоја фобија, важно е да ги следите чекорите за нејзино решавање. Направете список од потези кои ќе ви помогнат да се соочите со фобијата и спроведувајте ги чекор по чекор. Клучот е во повторувањето на секој од чекорите и во продолжувањето на траењето на процесот за да ги искорените стравовите.

Практична вежба со дишење

Ако изворот на анксиозноста се психолошки проблеми, ситуацијата може да ја подобри длабоко дишење, кое има позитивно дејство врз нервниот систем. Доволно е вдишувањето да ви трае четири секунди, да го задржите здивот две секунди и да издишувате во времетраење од шест секунди.

„Посветете“ им се на грижите 15 минути дневно

Запишете ги грижите што секојдневно ве оптоваруваат. Секој ден издвојте барем 15 минути за себе за да размислите за нив. Остатокот од денот заобиколувајте ги и занимавајте се со нешто друго.

Природно решение

Магнезиум, маточина, мајчина душица, женшен, витамини од Б групата… Сите овие додатоци во исхраната во голема мера, пред се, на природен начин ќе ви помогнат при секојдневниот стрес и во справување со животните предизвици, а се со цел да воспоставите сопствена внатрешна рамнотежа и мир.