![PRODU](https://panacea.mk/wp-content/uploads/2018/10/PRODU-696x350.jpg)
Неколку изненадувачки експерименти со скратување на работната недела и работното време покажале дека тоа не само што не ја намалило продуктивноста, туку напротив, ја зголемило.
Истражувањето на Галуп покажало дека Американците работат 47 часа неделно, што значи дека одмораат само еден ден. Не е ни чудо што се исцрпени и што не си ја сакаат работата.
Дали навистина е потребно да се работи повеќе?
Според истражувањата од 2016 година, просечен работник ефективно работи само 2 часа и 53 минути дневно, додека останатите 8 часа разговара со колегите, јаде, прави паузи, се забавува, гледа во празно. Излегува дека продолжување на работното време придонесува за тоа дека работиме помалку, а не повеќе.
Работете паметно, а не многу
Една новозеландска фирма одлучила на своите работници да им плаќа како да работат пет дена неделно за четиридневна работа во неделата. Работниците, два месеци работеле 32 наместо 40 часа, а истражувачите ја следеле нивната продуктивност. И? Продуктивноста пораснала за 24 % кај сите вработени лица. Покрај тоа, работниците биле покреативни, поточни, попосветени на работата. Имале повеќе време за себе, за домот и семејството, на работа доаѓале поодморени, поподготвени за работа, позадоволни.
Друг експеримент е правен во Гетеборг, Шведска, каде по одлука на градските влати, воведено е шестчасовно работно време, што дало исти резултати кога станува збор за продуктивноста. Работниците постигнувале исто, ако не и повеќе во однос на осумчасовното работно време.
Поентата е во тоа да се работи паметно, а не многу. Размислете само колку сте продуктивни пред крај на работното време, меѓу 14 и 17 часот. Не многу, зарем не? Циркадијалниот ритам и промените во нивото на хормони во овој период влијаат на тоа луѓето бидат помалку фокусирани, помалку продуктивни, а поуморни и попоспани.