Општите препораки за слабеење вклучуваат избегнување на алкохолни пијалаци, калорична храна и долготрајно седење. Но време е за нивна модификација.
Имено, експертите тврдат дека, на пример, не треба да се откажувате од црвеното вино, кое може да ви помогне во борбата со несаканите килограми. Истражувањето спроведено на Харвард врз глувци (во нивната исхрана била додавана одредена доза на ресвератрол) покажало дека две чаши црвено вино дневно помагаат во губење на вишокот килограми.
Се покажало дека полифенолите од црвеното вино ја претвораат белата маснотија во кафеава, која многу полесно се разградува. Научните истражувања покажале дека поради специфичните биолошки активности, тие го штитат срцето, крвните садови и имунолошкиот систем, а се сметаат и дека имаат потенцијално позитивен ефект во превенција на хронични воспалителни болести, карцином и процес на стареење.
Во второто истражување на Харвард, во кое учествувале 20 000 жени се покажало дека жените кои пијат црвено вино имаат дури 70 проценти помал ризик да станат дебели. Сепак, експертите се претпазливи и велат дека се потребни повеќе истражувања на оваа тема.
