Дали децата кои ќе прозборат порано се поинтелигентни? Овој заклучок е логичен. Во секој случај децата кои порано ќе прозборат, порано можат со зборови да изразат се што им се врти по малите главчиња, а тоа честопати е многу забавно и восхитувачки.
Научниците, сепак, тргнуваат од тоа дека раниот говор не е нужно поврзан со интелигенцијата. Кога би бил тесно поврзан со висок коефициент на интелигенција (IQ), тогаш децата со различни ментални нарушувања (како што е, на пример, генетското нарушување Williams–Beuren синдром) никогаш не би научиле да зборуваат. Тогаш, исто така, не би имало ни деца со нарушувања во развојот на говорот кои нормално се развиваат во сите други области.
Научниците, сепак, тргнуваат од тоа дека раниот говор не е нужно поврзан со интелигенцијата
Научниците претпоставуваат дека раниот говор е можен индикатор за висок IQ, но обратно, не важи. Значи, ако детето дури со две години почне да покажува интерес за говор и практично тогаш ги изговара своите први зборови, можно е веќе во основно училиште да се покаже дека е всушност, вистински мал Ајнштајн.
Што да правите ако детето не зборува како што се очекува за неговата возраст?
Постојат молчаливи деца, кои околу вториот роденден одеднаш почнуваат да изговараат цели реченици. Иако често говорот со текот на времето сам се поправа, некои сомнителни знаци не треба лесно да се отфрлаат. Уште во првата година, на пример, може да се случи петмесечно бебе да не гуга и да не испушта гласови. Причината за ваквите доцнења може да бидат нарушувања на слухот. Колку поскоро ќе побарате помош, толку подобро за развојот на говорот на вашето дете.
Понекогаш е доволен само малку поголем родителски ангажман, повеќе игра со детето и време
Ако сте во дилема или имате некои сомнежи за развојот на говорот на вашето дете, на педијатриски преглед на едногодишна возраст, лекарот ќе ја провери состојбата со развој на говорот. Прво што ќе ве праша е колку зборови кажува детето? Ако детето говори околу 5 зборови – во кои се вбројуваат па-па, вау-вау, тогаш тоа е голем напредок. Ќе ве праша и дали детето прави реченица од два збора, покажува ли со прстот кон некој објект, имате ли чувство дека ве разбира кога нешто му зборувате? За сето ова и она што ве загрижува, прашајте го педијатарот. Понекогаш е доволен само малку поголем родителски ангажман, повеќе игра со детето и време. За сите останати проблеми ќе се погрижи вашиот лекар.
Поттикнете го развојот на говорот на детето со овие неколку совети:
Бидете пример – Од раѓање разговарајте со вашето дете и притоа одржувајте контакт со очите. Така детето ќе ги види движењата на вашите усни и ќе се обиде да ги имитира. Имитацијата ќе биде од огромна корист во учењето и што е уште поважно, детето ќе види дека го има вашето внимание. Поради тоа ќе се чувствува достојно, сакано и безбедно.
Читајте му многу – Слушањето на приказни ќе поттикне разбирање и ќе го зголеми речникот на детето.
Не го поправајте – Не го поправајте изговорот или граматичките грешки, бидејќи тоа може да ја намали волјата за говор кај детето. Наместо тоа, само повторете го точниот изговор или форма.
Изразувајте ги чувствата – Зборувајте за своите чувства бидејќи така ќе го запознаете детето со чувствата и како да ги изразува.
Рамноправен соговорник – Разговарајте со детето исто како што би разговарале со друг возрасен. Слушајте што има да ви каже, дозволете му да се доискаже и поставувајте му прашања. Така го охрабрувате детето да зборува и правите да биде весело и среќно.
