Изгледа дека глаукомот, болест на окото, би можел да биде автоимуна болест, покажале резултатите од една лабораториска студија спроведена на глувци. Во светот од глауком боледуваат околу 70 милиони луѓе.
Глаукомот обично ја оштетува мрежницата и оптичкиот нерв и може да доведе до губење на видот
Во истражувањето спроведено на глувци, научниците откриле дека Т-клетките на имунолошкиот систем предизвикуваат оштетување на мрежницата, кое се јавува кај глаукомот и дека претходната интеракција со бактериите кои вообичаено се присутни во организмот поттикнуваат напад на Т-клетките на мрежницата.
Научниците веруваат дека ова откритие отвора нов пристап во превенција и лекување на глаукомот. Имено, резултатите укажуваат дека блокирањето на автоимуните активности може да помогне во лекувањето на глаукомот
Во моментов, повеќето терапии за глауком имаат за цел намалување на очниот притисок, но болеста се влошува кај голем број на луѓе, дури и по нормализирање на очниот притисок, пишува „Nature Communications“.
