Откако ја видела фотографијата на која биле четири генерации на нејзиното семејство, Ана Рејс успеала да изгубила 31,5 килограми за само три месеци и тоа без вежбање, следејќи едноставен план за исхрана. За „Дејли мејл“ објаснила дека пред да ослабне имала многу лоша слика за себе и поради тоа била депресивна и со тек на време ја изгубила самодовербата.
„Немав никаков друштвен живот, никогаш не излегував, немав облека што ми одговараше, се на се, се срамев од мојот изглед“, рекла Рејс.
Мајката на две деца не само што го трансформирала своето тело, туку, исто така, и својот живот, благодарение на промените кои ги направила во исхраната, работата на себе и јасната одлука да промени во животот се што не и одговара
Се започнало кога педесетгодишната Рејс ја открила „123 диетата“, која се темели на здрав план на исхрана. Кога веќе почнала со планот, била решена да го спроведе до крајот, без притоа да мами ниту еднаш.
„Кога почнав со диетата, бев депресивна, а сега се чувствувам фантастично. Како што велат моите внуци, имам 50 и фантастична сум!“, изјавила Рејс.
„Многу луѓе веруваат дека да се биде на диета значи дека воопшто не смеете да јадете одреден тип на храна, но тоа не е случај и со мојот начин на исхрана. Во текот на целиот процес се држев до овошјето кое го јадев за појадок, како јаболка и јагоди, со кои пиев обичен јогурт. Ручекот се состои од салата со протеини и зеленчук, а вечерите се базираат на месо и риба“, објаснила Рејс.
ДНЕВНО МЕНИ НА АНА
- ПОЈАДОК: Овошје, како јаболка и јагоди, со обичен јогурт
- РУЧЕК: Салата со протеини
- ВЕЧЕРА: Стек или риба со зеленчук
„Никогаш не ми паднало на памет дека би можела да бидам среќна со мојот изглед. Навистина сум среќна, не само со физичкиот изглед, туку и со тоа како се чувствувам ментално. Ова целосно го промени мојот живот“.
Таа објаснила дека ги видела првите резултати неколку денови по почетокот од диетата. „Нема да лажам, на почетокот, кога телото почнува да се чисти, се чувствувате лошо, но по неколку денови имав повеќе енергија. Се чувствувам фантастично, изгледам помладо и имам многу повеќе доверба. Дури се појави и некој кому му се допаѓам“, се пошегувала Рејс.
Толку е среќна што на многумина им ја препорачала оваа диета и се надева дека и ним ќе им помогне да го постигнат посакуваниот изглед.
„Ако сте одлучиле да го направите тоа, само направете го. Животот е прекраток и треба да се живее. Само направете го тоа“, заклучила Рејс.
