Нема да верувате, но хорор филмовите прават чудо за здравјето. Барем така тврдат научниците. Сепак, постои замка. Ефектите од хорор филмовите зависат од тоа колку сте биле уплашени додека сте ги гледале…
Еве како може да профитирате од гледање страшни филмови:
Губење калории
Студија спроведена во 2012 година во Велика Британија, покажала дека луѓето кои многу ќе се исплашат гледајќи хорор филм, може да изгубат и до 184 калории. Толку калории се согоруваат со 40-минутно шетање.
Имунитет
Хорор филмовите ќе му помогнат на имунитетот. Кратко по гледањето се забрзува циркулацијата и крвниот притисок расте, а на тој начин се зголемува и способноста на организмот да се брани од несакани натрапници.
Расположение
Гледањето на хорор филмови значително го подобрува расположението, барем ако може да им се верува на социолозите. Луѓето се чувствуваат помалку анксиозно, помалку фрустрирано и посреќни се откако ќе изгледаат страшен филм.
Но, за да ги почувствувате добрите страни на хорорите, мора да бидете исплашени додека ги гледате. Во случај да изостане возбудата, ќе изостанат и благодатите за здравјето.
Не заборавајте дека хорор филмовите може да остават и трајни последици и трауми на децата. Дури 28% од студентите кои учествувале во студијата при Универзитетот во Мичиген, рекле дека во детството доживеале траума гледајќи хорор, а тоа резултирало со трајна анксиозност.
