Сите сме се соочиле со ситуација да посегнеме по шолја кафе кое е направено во почетокот на работниот ден и кое стоело неколку часа на нашата работна маса. Заморот и опаѓањето на концентрацијата при крајот на работното време си го прават своето, па наместо да правиме ново кафе, ја одбираме полесната варијанта и посегнуваме по „отстоените“ остатоци во шолјата. Тука се поставува прашањето: Дали и колку е безбедно за пиење „утринското кафе“ ако се пие напладне или подоцна?
-
Ако се работи за кафе со млеко, ситуацијата е следна: Ако е добро затворено и ставено во фрижидер, млекото може да биде добро и неколку дена по истекување на рокот, но доколку сте го ставиле во кафе и стоело во топла просторија подолго време, тогаш сварете си ново кафе!
-
Дали се менува вкусот на кафето? Исто како и зрната кафе, кои остануваат свежи околу две недели, така и вареното кафе може да го смени вкусот по 30 минути, а потоа имате околу 4 часа пред маслата од кафето да се „расипат“, што ќе резултира со лош вкус на пијалакот.
-
Дали микробрановата печка ќе ги уништи бактериите од кафето? Микробрановата ќе ги убие бактериите, но со оглед на тоа дека ја загрева содржината од надвор кон внатре, многу веројатно, неколку „пакетчиња“ бактерии ќе останат, па не би требало да се потпирате на оваа техника.
-
Дали е безбедно да се пие кафе „старо“ неколку часа? Црното кафе е безбедно за пиење, иако, веројатно, нема да го има истиот добар вкус. Ако во него сте ставиле млеко, тогаш подобра идеја е да направите ново кафе.
