Чувството дека болките во долниот дел од грбот за влошуваат за време на одредени временски услови, се само во вашата глава, тврдат стручњаците.
Научниците од Австралија следеле речиси 1.000 лица кои се лекувале поради акутни болки во долниот дел од грбот. Истражувачите потоа ги проучувале временските услови во кои на пациентите им се јавуваат болките, како и една недела и еден месец пред да почнат да ги чувствуваат.
Тие не пронашле никаква врска помеѓу болките во грбот и температурата, влажноста, атмосферскиот притисок, насоката на ветерот со споменатите тегоби.
Поголемата брзина на ветерот за нијанса го зголемувала ризикот од болки во долниот дел од грбот, но не во “клинички“ значајна степен.
“Многу пациенти веруваат дека времето влијае на болките. Но, неколку големи истражувања ги проучувале нивните наводи“, вели водачот на истражувањето, д-р Даниел Стивенс, од Институтот за светско здравје во Сиднеј.
Претходни истражувања покажале дека студеното и влажно време, како и промената на временските услови, имаат врска со влошување на симптомите кај лица со хронични тегоби. Но, на основа на новите откритија, д-р Ственс вели дека е потребно да се истражува уште.
Според истражувачите, речиси секој човек страда од болки во долниот дел од грбот во еден период од животот. Светската здравствена организација проценува дека во секој момент една третина од светската популација има проблеми со тие тегоби.
