Велика Британија планира да подели милиони тестови на антитела на новиот коронавирус, откако верзија на тестот, чиј развој го подржа британската влада, ги помина првите поголеми испитувања.
Станува збор за тест кој анализира крв земена од прст за 20 минути и со 98,6 процентна сигурност открива дали лицето некогаш било изложено на вирусот SARS-CoV-2. Тоа го покажале испитувањата кои биле спроведени на луѓе, минатиот месец.
“Утврдено е дека тестот е прецизен 98,6 проценти и тоа е навистина многу добра вест“, велат британските научници.
Досегашните тестови на антитела достапни во Британија подразбираа испраќање на примерок на крв на анализа во лабораторија, што може да потрае со денови.
Британија се надева дека тестот познат како AbC ќе биде во масовна употреба пред крајот на оваа година. Најверојатно тестовите ќе бидат бесплатни и ќе се нарачуваат преку интернет.
