Доктор Рејчел Ен Бар, невролог и истражувач од канадскиот Универзитет Лавал вели дека студиите покажуваат дека кај луѓето кои редовно гледаат филмови за возрасни, често се бележат оштетувања на предниот дел од кортексот, регија во мозокот која ја контролира силата на волјата и импулсивноста. Инаку, оваа регија се развива во потполност дури во возрасно доба.
Д-р Бар предупредува дека истражувањето покажува оти порнографијата би можела да биде причина за несоодветна обработка на емоции и импулси, што може да доведе до компулсивно однесување и носење лоши одлуки.
„Звучи парадокаслно, но содржината за возрасни нашиот мозок може да го доведе во малолетничка состојба. Иронијата е и во тоа што порнографијата ветува забава и сексуално задоволство, а ако се претера има спротивни ефекти“, вели д-р Бар и предупредува: „Науката штотуку почна да открива невролошки последици од консумирањето порнографија. Веќе е јасно дека менталното здравје и сексуалниот живот трпат катастрофални последици од депресија до еректилна дисфунцкија.“
Загрозена е и емотивната посветеност на партнерот
Долгорочно гледано, вели докторката, порнографијата предизвикува сексуална дисфункција, особено во неможноста за постигнување ерекција или оргазам со партнерот. Според неа, ваквиот механизам може да се спореди со земање дроги. Кога некоја личности користи кокаин се излачува големо количество допамин – хормон на добро расположение. Истото се случува и со сексуалната возбуда, затоа што прекумерната активност на невротрансмитерите задолжени за сексуално возбудување може да ги намали природните рефлекси и навики, оставајќи го телото збунето во процесот на задоволување на потребите.
Студиите покажуваат дека промените во преносот на допамин може да предизвикаат или да ја засилат депресијата и анксиозноста. Консументите на порнографија почесто пријавуваат симптоми на депресија и полошо ментално здравје. Исто така, неретко стануваат опсесивно-компулзивни и постојано трагаат по што е можно повеќе порнографски содржини.
ВАЖНО
зависноста од порнографија може да биде сериозен проблем за некои луѓе. Иако гледањето порнографија само по себе не е нужно штетно и за многумина е нормален дел од сексуалниот живот, зависноста се јавува кога користењето на порнографија станува компулсивно и има негативно влијание врз:
-
Менталното здравје: чувство на вина, срам, анксиозност или депресија
-
Меѓучовечките односи: проблеми со партнерот, намалена интимност, губење интерес за вистински односи
-
Работа или училиште: намалена продуктивност, избегнување обврски
-
Функционирање во секојдневието: занемарување на лична нега, изолација, нарушен сон
Некои знаци на зависност се:
-
Неможност да се престане со гледање и покрај негативните последици
-
Потреба да се гледа сè повеќе или поекстремна содржина
-
Користење на порнографија како начин за бегство од стрес или емоционални проблеми.
