Мислењата за тоа дали бремените жени смеат да консумираат алкохол се контрадикторни. Додека едни сметаат дека една или две чаши вино неделно не го нарушуваат развојот на фетусот, други нагласуваат дека последиците може да бидат многу опасни.
- Се уште не може со сигурност да се процени колкава количина на алкохол е прифатлива и безбедна во бременоста, па затоа е најдобро комплетно да се избегнува консумирањето на алкохол во овој период
Алкохолните пијалаци често се сврстуваат во храна, бидејќи содржат одредена енергетска вредност. Таквите пијалаци се всушност многу калорични. Алкохолот може позитивно да делува на здравјето, но само ако се зема во умерени количини. Докажано е дека луѓето кои консумираат мали количини на алкохол ретко страдаат од срцеви заболувања во споредба со луѓето кои го пијат во прекумерни количини. Црвеното вино, поради позитивното влијание на здравјето, особено се препорачува по јадење. Ова се должи на флавоноидите кои се присутни во црвеното вино, кои го штитат ЛДЛ холестеролот од оксидација, бидејќи со тој процес настануваат нуспродукти, кои ги оштетуваат артериите. Мали количини на алкохол, исто така, позитивно делуваат и врз мозокот, го намалуваат ризикот од деменција, го спречуваат згрутчувањето на крвта и развојот на кардиоваскуларните заболувања.
Освен ова позитивно дејство врз здравјето, се друго во однос на алкохолот е внесување на т.н. празни калории, кои пречат на апсорпцијата, складирањето и искористувањето на хранливите материи од високовредните намирници во организмот. Консумирањето на алкохол за време на бременоста носи уште некои ризици.
Постои ли прифатлива, дозволена количина на алкохол за време на бременоста?
Општо гледано, количината на алкохол зависи од возраста, полот и општата здравствена состојба. Иако една до две чаши црвено вино се препорачуваат дневно за здраво срце, тоа не важи за бременоста. Мислењата за тоа дали бремените жени смеат воопшто да консумираат алкохол се контрадикторни. Додека едни сметаат дека една или две чаши вино неделно не го нарушуваат развојот на фетусот, други нагласуваат дека последиците може да бидат многу опасни.
Освен што алкохолот може да го зголеми ризикот од предвремено породување, последиците може да се одразат врз детето и да предизвикаат фетален алкохолен синдром. Се уште не може со сигурност да се процени колкава количина на алкохол е прифатлива и безбедна во бременоста, па затоа е најдобро комплетно да се избегнува консумирањето на алкохол. Експертите советуваат негово избегнување и пред бременоста доколку бременоста е планирана со цел да се спречи оштетување на централниот нервен систем, кој најинтензивно се развива токму во првиот триместар од бременоста.
Што претставува фетален алкохолен синдром?
Фетален алкохолен синдром претставува спектар на физички и ментални нарушувања кај децата, кои биле пренатално изложени на дејството на алкохолот. Едно дете може да има специфична комбинација и тежина на симптомите, а најчесто се присутни:
-
помала висина од просечната;
-
ниска телесна тежина;
-
мала големина на главата со абнормален изглед на лицето;
-
лоша координација и други разлики во развојот на грубата и фина моторика;
-
слаба меморија;
-
потешкотии во сензомоторната интеграција;
-
неможност за фокусирање и хиперактивно однесување;
-
низок коефициент на интелигенција.
Поради овие симптоми, детето може да се соочи со следниве проблеми:
- проблеми со доењето, спиењето, видот и слухот, срцето, бубрезите и коските;
- тешкотии во развојот на говорот и јазичните вештини;
- тешкотии со учењето кај дете на училишна возраст;
- комуникациски тешкотии;
- слаба способност за размислување и расудување.
Феталниот алкохолен синдром е болест која трае цел живот. Затоа треба да направите се за да го подобрите квалитетот на животот на детето, за што е пресудна тимската работа на доктори, логопеди, терапевти и родители.
Како може неродено дете да се заштити од фетален алкохолен синдром?
Единствениот и вистински начин е да не консумирате алкохол за време на бременоста!
