Дали спаѓате во групата на луѓе кои ги грицкаат ноктите секој ден? Ако одговорот е позитивен, тогаш спаѓате во една третина од населението која секојдневно се бори со овој проблем.
Не станува збор само за естететски проблем. Имено, психолозите тврдат дека за повеќето луѓе грицкањето нокти е знак на нервоза и тешкотии, што, веројатно, и има смисла.
Неодамнешното истражување донело нови резултати според кои грицкањето нокти може да биде и знак на перфекционизам. Имено, ова се оправдува со дефиницијата на перфекционизмот, односно поединците кои секојдневно ги грицкаат ноктите може да се перфекционисти бидејќи не можат да се опуштат и да ги извршуваат работите со нормално темпо. Склони се кон фрустрации, нетрпеливост и незадоволство кога нема да ги постигнат своите цели, па резултат на тоа е оваа лоша навика.
Постојат две причини поради кои луѓето ги грицкаат ноктите, објаснуваат стручњаците. Првото објаснување наведува дека на тоа ги поттикнуваат негативните емоции и несакани ефекти, па таа навика им доаѓа како „издувен вентил“. И второто мислење е слично, и објаснува дека луѓето грицкаат нокти за да го ублажат нетрпението, досадата, фрустрацијата и незадоволството.
Покрај емоционални, грицкањето нокти има последици и врз здравјето. Секојдневното грицкање предизвикува болка и црвенило на ноктите и кортикулите, крвавење и потенцијални инфекции на ноктите и прстите, зголемен ризик од пренесување на бактерии и вируси преку устата до остатокот на телото, слабеење на забната глеѓ и неправилни заби.
Секако, не треба ни да се споменува дека лицата што ги грицкаат ноктите оставаат многу лош впечаток на другите.
