На брзината на метаболизмот влијае генетиката, возраста, нивото на физичка активност, но и исхраната. Имено, одделна храна може да го поттикне и забрза метаболизмот.
За почеток тоа е храната богата со протеини како што се млечните производи, немасното месо и јајцата (особено белките). Млечните производи содржат калциум за кој е докажано дека го поттикнува метаболизмот на масти во организмот. Белките ги содржат сите 9 есенцијални аминокиселини и богати се со протеини, а притоа не содржат ниту маснотии ниту холестерол. Месото содржи железо, чиј недостаток може да го забави метаболизмот.
Исто така, многу е важно да пиете доволно вода, со оглед на тоа дека дури и благиот облик на дехидратација може да го забави метаболизмот. Тука е потоа зелениот чај чија состојка епигалокатехин-галат (ЕГЦГ) докажано го забрзува метаболизмот. На метаболизмот влијае и кофеинот од кафето, со оглед на тоа дека се покажало дека луѓето кои пијат кафе со кофеин имаат во просек за 16 отсто побрз метаболизам од луѓето кои пијат исклучиво кафе без кофеин.
