Некои вообичаени работи кои ги правиме после оброк, а кои со текот на времето ни стануваат ритуали, дефинитивно ни го загрозуваат здравјето. Имајте го на ум фактот дека освен што е важно да се храните здраво и да јадете умерено, важно е да одбегнувате и одредени активности после оброците.
Не палете веднаш цигара
Истражувањата покажале дека една цигара после оброк на организмот влијае како да сме испушиле 10 цигари.
Не пијте чај
Листовите од чајот содржат висок процент киселини. Овие супстанци можат да го отежнат варењето на протеините од храната. Почекајте еден час по оброкот и тогаш испијте го омилениот чај.
Одбегнувајте туширање по оброк
Топлата вода за време на капењето ќе ја засили циркулацијата во рацете, нозете и телото, па крвта послабо ќе циркулира во пределот на стомакот. На тој начин системот за варење слабее, а варењето се забавува.
Не јадете веднаш овошје
Кога после оброк ќе изедете овошје организмот таа здрава намирница ја вари заедно со останатата храна. Така, здравите материи од овошјето подоцна доспеваат до цревата и подолго остануваат во желудникот. Стручњаците препорачуваат овошје да се јаде најмалку еден час после оброк или пред него. Најдобро време за уживање во сочното и здраво овошје е во утринските часови и тоа на празен стомак.
Не одете веднаш на прошетка
Физичките напори по оброк може да резултираат со киселини и лошо да влијаат на варењето. Меѓутоа, секако, добро ќе ви дојде прошетка половина час после оброк.
