Традиционалната кинеска медицина и посветува големо внимание на енергијата и нејзиното движење во различни делови од телото во различно време. Во 24-часовниот циклус телото им дава различна енергија на различни органи. Доколку константно се будите во исто време, тоа би можело да значи дека некои енергии се блокирани или погрешно насочени. Тоа ја нарушува природната рамнотежа и циклусот. На вашите органи им треба енергија за да функционираат.
Ова е листата која ја објаснува поврзаноста на времето и органите во телото. Многу од тие блокади треба да се набљудуваат физички и емоционално.
Би требало да се размисли што и кога сте јаделе, затоа што тоа може да биде причина за вашите симптоми.
21:00 до 23:00 часот
Ова е некое просечно време кога повеќето луѓе се обидуваат да заспијат. Ова е време кога ендокриниот систем се ребалансира. Ендокриниот систем управува со хормоните и метаболизмот. Доколку имате проблеми со спиењето во овој момент, можеби сте заглавени во трендот „бори се или бегај“. Се уште психички сте заглавени во настаните од изминатиот ден или веќе се подготвувате за утрешните предизвици. Повторувајте позитивни мантри и ослободете се од формациите кои ви предизвикуваат напнатост. Доколку не се храните правилно или јадете предоцна тоа, исто така, може да доведе до блокада.
23:00 – 1:00 часот
Ако често се будите во овој период тоа може да биде заради некои „проблеми“ кои ги носите во себе, а се поврзани со вас. Ова е период во 24-часовниот циклус кога јин енергијата се претвора во јанг. Јанг енергијата е мошне активна, а телото таа енергија треба да ја складира за следниот ден. Зголемете го нивото на љубов и почит кон себе, дајте се од себе да се смирите и чувајте ја енергијата. Ова е време кога жолчното ќесе ги разбива мастите. Можеби внесувате премногу нездрави масти или масло.
01:00 – 3:00 часот
Ова е клучно време за детоксикација на телото и процесот на обновување. Вашиот црн дроб испушта токсини и создава свежа крв. Будењето во тоа време укажува на лутина, фрустрација и негативни формации. Доколку не ги решавате овие духовни токсини, вашиот „духовен црн дроб“ се обидува да ви обрне внимание на овие проблеми.
03:00 – 5:00 часот
Ова е време кога вашите бели дробови се опоравуваат и го снабдуваат телото со кислород. Проверете дали ви е доволно топло за да ја олесните работата на телесните функции. Ако се разбудите во овој период, обидете се да правите вежби за дишење. Проблемите со белите дробови често се однесуваат на болка и тага.
05:00 – 7:00 часот
Сите токсини кои се испуштени и разградени во текот на ноќта заминуваат од системот. Дебелото црево е активно во тој период. Лошата исхрана или доцното консумирање храна може да доведе до проблеми кои ќе ве разбудат во овој период.
