Во зависност од возраста, толку сон ви е потребен. Но за добар сон е потребно да заспиете во рок од 30 минути, да не се будите во текот на ноќта и да спиете најмалку 85 % од вкупното време поминато во кревет.
Секоја десетта личност има проблеми со спиењето, а во постара доба – секоја петта. Постојат три основни начини за регулирање на несоницата: лекови, психотерапија и промена на навиките
Ако предолго се обидувате да заспиете, се будите по неколку пати во текот на ноќта и останувате долго време будни во креветот, тогаш спиете неквалитетно.
Колку сон ни е потребно (приближно)?
- Новороденчиња (0-3 месеци) – 14 до 17 часа,
- Бебиња (4-11 месеци) – 12 до 15 часа,
- Мали деца (1-2 години) – 11 до 14 часа,
- Предучилишни деца (3-5 години) – 10 до 13 часа,
- Училишни деца (6-13 години) – 9 до 11 часа,
- Тинејџери (14-17 години) – 8 до 10 часа,
- Помлади возрасни лица (18-25 години) – 7 до 9 часа,
- Возрасни (26-64) – 7 до 9 часа,
- Постари лица (над 65 години) – 7 до 8 часа.
Зошто несоницата е проблем?
Долготрајните проблеми со несоница може да предизвикаат различни здравствени проблеми, како што се почести случаи на депресија, но и со анксиозни состојби, зголемена склоност кон лутина, гнев, раздразливост и слично. Долготрајната несоница значи и зголемен ризик од хронични болести (срцеви заболувања и кардиоваскуларни болести и зголемена инциденца на појава на одредени видови на рак), тенденција кон вишок на килограми, како и предвремено стареење.
