Природата не штеди, напротив нуди многу дарови кои се во служба на здравјето. Зимскиот период бара дополнителен третман кога станува збор за сезонските настинки и грип, но и други заболувања, во чие лекување и превенција битна улога играат токму билните чаеви.
Дали знаете дека сладок корен е за ублажување на гастритис, кантарион е одличен против депресија, глуварче се препорачува за дијабетичари? Во продолжение прочитајте и за останатите билни чаеви и нивното дејство врз здравјето.
- За ублажување на гастритис: Сладок корен (Glycyrrhiza glabra)
Подготовка: Две лажички исечкан лист од сладок корен се прелива со чаша врела вода, се поклопува и се остава да отстои 15-20 минути. Потоа се процедува и се пие (три до пет чаши дневно).
- За бубрежни болести: Магдонос (Petroselinum crispum)
Подготовка: Прелијте две лажички исецкан лист од магдонос со чаша врела вода, поклопете и оставете да отстои 10-20 минути. Потоа се процедува и се пие пред јадење најмалку три чаши на ден.
Против депресија: Кантарион (Hypericum perforatum)
Подготовка: Прелијте три лажички кантарион со врела вода, и оставете да отстои 10 минути. Потоа процедете. Се пие три до четири шолји на ден. За лечење на депресија треба да се консумира најмалку еден месец, како би се забележале првите резултати.
- Ублажува мигрена: Црвен кантарион (Centaurium erythraea)
Подготовка: Прелијте лажичка црвен кантарион со ладна вода, и оставете да отстои 6-10 часа. Чајот пред консумација загрејте го и засладете по желба.
- За реума: Бел јасен (Fraxinus excelsioe)
Подготовка: Провријте полна лажичка сушени листови од бел јасен со една шолја вода и оставете да отстои 3-5 минути, па процедете и испијте. За да почувствувате подобрување на состојбата, потребно е да консумирате две шолји чај дневно, најмалку две недели.
Го намалува холестеролот: Грчко семе (Trigonela foenum-greacum)
Подготовка: Прелијте две лажички од билката со чаша ладна вода и оставете да отстои три часа. Потоа провријте и процедете. Кога ќе се олади засладете со мед и пијте додека е млак
- За дијабетичари: Глуварче (Taraxacum officinalis)
Подготовка: Лажичка од сув иситнет корен ставете во два децилитра ладна вода и варете на тивок оган додека не проврие. Оставете да отстои 15 минути. Дневно се пијат две чаши незасладен чај.
- За гинеколошки проблеми: Вркута, позната и како бисерок или моминска наметка (Alchemilla vulgaris)
Подготовка: Две лажички од сув иситнет лист прелијте со чаша врела вода и оставете да отстои десет минути па процедете. Чајот се пие по потреба. Флавоноидите кои ги содржи чајот ја зајакнуваат матката и ги ублажуваат болките во долниот дел на абдоменот. Со редовна употреба се решава проблемот и со зголеменото лачење на вагинален секрет.
- Чај против ендометриоза: Микс од ајдучка трева, невен и коприва
Подготовка: Измешајте по една лажичка од сите билки, па прелијте со два децилитра врела вода. Оставете да се олади и пијте два пати на ден по една шолја.
