Доброволното дарување крв е пред се многу хуман гест. Самиот факт дека на тој начин спасуваме туѓи животи, прави да се чувствуваме подобри и повредни луѓе. Меѓутоа, важно е да се знае и дека даруваната доза на крв му користи и на организмот и на здравјето. Значи, со доброволното дарување, не само што спасувате туѓ, туку го подобрувате и квалитетот на сопствениот живот.
Во светот на годишно ниво се донираат околу 92 милиони дози крв, а со една доза може да се спасат дури три животи. Истражувањата покажале дека мажите почесто донираат крв, во споредба со жените.
Кои се позитивните страни на дарувањето крв и по сопственото здравје:
- На овој начин ќе ја испитате крвната слика
- Редовно дарување крв го намалува ризикот од инфаркт
- При секое дарување крв се зема примерок врз основа на кој се одредува крвната група и резус фактор, потоа се прават лабораториски испитувања за хепатитис Б, Ц, ХИВ. Покрај ова, при секое дарување крв задолжителен е и краток лекарски преглед.
- Чувство на самопочит
- Гестот со кој и вие се борите за нечиј живот, ќе го развие и кај вас чувството за самопочит, а тоа е многу драгоцено чувство.
- Да им помогнете на другите, значи да си помогнете и себеси, да станете добар човек.
