Колку пати дневно пиете вода? Колкава е просечната количина која ја внесувате во организмот? Зошто водата воопшто е важна?
Водата е неопходна за пренос на кислород и хранливи материи како што се гликоза, витамини, минерали и железо. Важна е за одржување на телесната температура, за процесот на варење на храната и за одвивање на метаболичките процеси во организмот.
Колку често имате чувство на жед? Дали сте свесни дека тоа е всушност прв знак за дехидрација, која со себе може да повлече многу болести? Експертите веруваат дека дехидрацијата на организмот се јавува дури по губењето на 1 до 2 % вода од вкупната содржина на вода во организмот.
Дехидрацијата е поврзана и со пад на когнитивните и менталните функции што се одразува на успехот на училиште, факултет или професионален живот. Доведува до губење на работната ефикасност, способноста за донесување на одлуки и брзина на реагирање што е исклучително опасно за одредени професии
Дехидрацијата го отвора патот за развој на болести
На секоја телесна клетка за извршување на своите функции и е потребна вода. Нејзиното губење предизвикува бројни нарушувања во организмот, а едно од нив е пореметувањето на електролитите. Освен жед, дехидрацијата предизвикува замор, слабост, главоболка, сува кожа и слузница, проблеми со концентрацијата, вознемиреност, раздразливост и лошо расположение. Се помалата потреба за мокрење и се потемната урина се знак на напредната дехидрација.
Водата е главниот двигател на метаболизмот во организмот, па долгорочната дехидрација може да има улога во развојот на разни хронични болести. Често е поврзана со кардиоваскуларни заболувања (тахикардија, хипертензија), нарушување на системот за терморегулација (намалена толеранција на топлина), уринарниот систем (отежнато исфрлање на токсичните продукти на метаболизмот) и централниот нервен систем (намален доток на кислород и хранливи материи во мозокот). Се повеќе се поврзува и со нивото на шеќер во крвта и дијабетес.
Дехидрацијата е поврзана и со пад на когнитивните и менталните функции што се одразува на успехот на училиште, факултет или професионален живот. Ја намалува способноста за решавање на ментални задачи, доведува до губење на работната ефикасност, способноста за донесување на одлуки и брзината на реагирање што е исклучително опасно за одредени професии. Така, на пример, падот на когнитивните функции кај возачите може да го загрози не само нивното здравје, туку и безбедноста и здравјето на останатите учесници во сообраќајот.
Освен жед, дехидрацијата предизвикува замор, слабост, главоболка, сува кожа и слузница, проблеми со концентрацијата, вознемиреност, раздразливост и лошо расположение. Се помалата потреба за мокрење и се потемната урина се знак на напредната дехидрација
Колку изнесува препорачаниот дневен внес на течности во организмот?
Според препораките, жените треба да внесуваат околу 2 литри течност на ден, а мажите 2,5 литри, во зависност од возраста, физичката активност, температурата на средината и посебните состојби, како што се болест, бременост и доење. Дехидрацијата не се јавува само поради намалениот внес на течности во телото, туку и поради нејзиното зголемено излачување од организмот преку потењето, урината, изметот и дишењето и затоа е важно редовно да се надоместува.
