Супстанции кои со растворање во течност се претвораат во позитивни и негативни јони се нарекуваат електролити, а се делат на калиум, магнезиум, фосфат, натриум, калциум и хлор. Нивниот недостаток се идентификува преку следниве симптоми:
– Губење на свеста
– Мускулни грчеви
– Деконцентрација
– Проблеми во варењето на храната
– Раздразливост
– Вртоглавица
– Проблеми со дишењето
– Нарушувања на нервниот систем
Електролитите се грижат за pH вредноста на крвта, го регулираат балансот на течности и ја одржуваат функцијата на нервите и мускулите. Важни се за ензимските реакции, коскената маса, крвниот притисок, хормоналната рамнотежа, искористливоста на гликозата, гастроинтестиналната функција и регенерација и раст на ткивата.
Секој електролит има специфична функција во организмот, а количината се проверува преку тестови на урина и крв и мерење на бубрежната функција. Нивото на електролити ги регулираат надбубрежните жлезди и бубрежните хормони.
Калиум
Калиумот е главен интрацелуларен катјон, кој е неопходен за бубрежните, срцевите и мускулните функции. Помага во регулирање на pH на урината и крвта, ја поттикнува детоксикацијата, ја ублажува вкочанетоста на зглобовите, го регулира крвниот притисок, учествува во искористување и разградување на јаглехидратите, ја ублажува главоболката. Го има во банани, кајсии, домати, авокадо, портокали, бел грав и спанаќ.
Магнезиум
Магнезиумот игра важна улога во чистењето на телото. Магнезиумот се грижи за функционалноста на нервите и мускулите, балансирање на телесните течности, го чува срцето, го одржува здравјето на забите и коските, го зајакнува имунитетот и го регулира шеќерот во крвта. Извори на магнезиум се: ореви, мешунки, чај, суво грозје, моркови, интегрални житарки, зелен лиснат зеленчук, какао, банани и магдонос.
Хлор
Хлорот ја одржува pH на телесните течности и го балансира, регулира варењето, го одржува здравјето на нервите и мускулите, а го има во солта.
